الله اكبر يوم طلـت فـي سمايـه نـوره
والله اكبر يـوم ضيفـت الغـرام بـداري
قبلها بيوت الشعر من الوصـل مهجـوره
وبعدها وجـه المحبـه والمـوده عـاري
المشاعر يوم بانـت حظـرة الاسطـوره
اعتزتبي واحرجتني وانتخيـت اشعـاري
و كان قافي مالعب في وصف خلـي دوره
قبل لبـدى ياعسابـى ينتهـي مشـواري
كل عرقاً مالكه جمسي لهـا بـه صـوره
وكل ركناُ في حشايه درعهـا التذكـاري
كنها بدر الدجـي لابـان وارسـل نـوره
تخجل انوار المدن ويزين ليـل السـاري
اغرست بذر التواضـع واثمـرن بـذوره
واروته من نبعها الصافي الزلال الجـاري
الوصايف لاسلمت مـن الهـدب مقـدوره
اعتذر لو ادري انـه ماتجـوز اعـذاري
كن كلمتها لاجات مـن الحيـا مجـروره
والعيـون اسلهمـت ماللعـذارى طـاري
كنهـا لاسلهمـت مطعـونـة مـغـدوره
ورمشها يحلف ورب البيت لاخذ بثـاري
والغروب اليا امتزج مع حمـرة البنـدوره
تظهر الوان الشفاه اللـي تبيـح اسـراري
ثغرهـا فيـه الألـئ كنـهـا منـثـوره
والله ليعجـز ويقصـر دونهـا البحـاري
وان مشت تسحب اخطاه كنهـا مجبـوره
والشعر كان انتثر تلقـح بنـات افكـاري
جعلها ماتشتكـي ظلـم الزمـان وجـوره
وجعلها تبقى وانا ابقى تحت حفظ البـاري
ذيك لو ترحل وتخلى بعدهـا المقصـوره
كان من ماوسط جوفي جيت زابنن نـاري
وحدها اللي قلبها لاجلـي يـذل اغـروره
ووحدي اللي لجلها هديت صرح اجـداري
قلبهـا نهـج المحبـه والوفـاء دستـوره
واشهد انه مااستباحه غير صدق اصراري
عاقله والعقل منهـا طالـعٍ مـن طـوره
وين ماحلـت تجـوز وتستحـل اديـاري
كنـت واحـد مـن محبينـه وجمهـوره
وصرت الاول بينهم ماحد(ن) يشق اغباري
مايضيع العمر معها لو تضيـع شهـوره
ولانزل في حبها بيـن العـرب مقـداري
وان نوت لاقـدر الله ترحـل المذكـوره
قبل ريح افراقها يبدى يهيـج اعصـاري
الأربعاء يناير 20, 2010 10:15 am