يسعد صباحكم مع مساكم بكل خير
هذ مجاراة مع الشاعر ( ابراهيم الثقفي )
بعنوان ( خوي الروح )
اتمنى تنال اعجابكم ..
ياشيخ شعّــــــار الوفـــــا والهقــاوي
عـــذب الكــــلام الي حروفه وفــيّـــــه
راعي الدلال الصفر راعي القهاوي
اللي يمينه بالمكـــــارم صـــخــــيـــه
مـنـتــه من اللــي عــزّهم بالحكــاوي
عـزّك من اللــي مامـشــو بالـــرديــه
خوّة هل المعروف واهل العــــزاوي
مكسـب وبالدنــيــا اكبــــر هــــديـــه
ياصــــاحبـــي واليوم ماني بقـــــاوي
موت الخــوي بالحيل اثّــــر عــلــيــه
لو يرجعـــــون امــــواتنا بالدعـــاوي
لدعيلهم من صــبــــحــنــا لـلـــعــشـيّه
مير الجـــــدا ياصـــــاحبــي بالغـنـــاوي
قمت اتوجّــــد بالحــــروف الشـــقـــيــه
اجــرّهـــا وادريــــبــــهــا مــــــاتــداوي
وشلـــون يبـرا جـرح قلب الضــحيــــه
من عقبهم كل شي صـــار امـتــســاوي
اضحك وضـحـكـــاتــي احسّــه غـبــيــه
نويت ابـنــسـى واتــرك الهــــم نــــاوي
ويطـــري علي والله لاشــفــت خــيّـــــه
ياصـــاحبــي لو ضـــــاع وقــتــي فداوي
يبقى الخــــوي لو مــات يذكـــر خــويــه
وانا حــروفي سـقـتــهـا للســـمــــــــاوي
فيها سبب حــــزني وحــــــل القــضــيـه
مـنــك الصـبـر وانا علـــي الرجــــــــاوي
خفّـف على المـفـجــــوع شـــر البـلـيــــه
واقـبـل دعــائــي يامـجـيـب الدعـــــــاوي
وارســـــل عليه من السحــــاب برديّــــه
الأربعاء أغسطس 04, 2010 11:02 am
